Rumıniyanın Baş naziri və Sosial-Demokrat Partiyasının lideri Marsel Çolaku istefa verib.

“Sizinxeber.az” “Digi24”ə istinadən xəbər verir ki, bu, prezident seçkilərinin birinci turunun nəticələrindən sonra baş verib.

"Dekabrda koalisiya hökuməti iki məqsədlə quruldu: sabit hökuməti təmin etmək və Rumıniyada keçirilən prezident seçkilərində qalib gələcək namizədi irəli sürmək. İki məqsəddən biri bizi iflasa uğratdı. Dünən rumınların necə səs verdiyini gördük, bu da o deməkdir ki, hakim koalisiyanın legitimliyi yoxdur. Mən həmkarlarıma təklif etdim ki, koalisiyanı tərk etsinlər”, - Çolaku bildirib.

O, həmçinin vurğulayıb ki, ikinci turda iki namizəddən heç birinə açıq şəkildə dəstək verməməyi seçib.

Qeyd edək ki, Rumıniyada mayın 4-də keçirilən prezident seçkilərinin birinci turunda millətçi “Rumınların Birləşməsi Alyansı” (RBA) partiyasının rəhbəri Ceorce Simion 41 % səslə birinci yeri, Buxarest meri Nikuşor Dan 21 % səslə ikinci yeri, hazırkı hakim koalisiyanın nümayəndəsi Krin Antonesku isə 20,1 % səslə üçüncü yeri tutub. Seçkilərin ikinci turu mayın 18-də keçiriləcək.

Oxşar xəbərlər

KİV: Rumıniyanın Baş naziri istefasını elan edə bilər

Rumıniyada prezident seçkilərinin ikinci turunda Çolaku və Laskoni qarşılaşacaq

İfrat sağçı siyasətçi Rumıniyada prezident seçkilərinin birinci turunda qalib gəlib

Kanadanın baş naziri Liberal Partiyasının lideri vəzifəsindən istefa verib

Türkiyə siyasətçiləri İlham Əliyevə uğurlar arzulayıblar