Pakistanın Silahlı Qüvvələrin Baş Qərargah rəisi (COAS) general Asim Munir Hindistanın istənilən avantürası sürətli və qətiyyətli cavabla qarşılanacağı barədə xəbərdarlıq edib.

“Report” xəbər verir ki, bu barədə o, təlim zamanı hərbçilərə müraciətində danışıb.

Munir hərbçilərin nəyin bahasına olursa olsun Pakistanın suverenliyini və ərazi bütövlüyünü müdafiə etməkdə sarsılmaz qərarlı olduğunu bir daha təkrarlayıb.

“Heç bir qeyri-müəyyənlik olmasın: Hindistanın istənilən hərbi avantürasına sürətli və qətiyyətli cavab veriləcək. Pakistan regional sülhə sadiq qalmasına baxmayaraq, bizim milli maraqları qorumaq öhdəliyimiz və qətiyyətimiz sarsılmazdır”.

Baş Qərargah rəisi zabit və əsgərlərin mənəviyyatını, döyüş hazırlığını və döyüş ruhunu yüksək qiymətləndirərək, onları Pakistan Ordusunun əməliyyat mükəmməlliyinin təcəssümü adlandırıb.

Oxşar xəbərlər

Pakistan XİN rəhbəri çinli həmkarı ilə danışığında Hindistanın qanunsuz hərəkətlərini rədd edib

Kərim Vəliyev Pakistan Aviasiya Kompleksinin sədri ilə görüşüb

Baş Qərargah rəisi Hərbi Hava Qüvvələrinin xidməti-döyüş fəaliyyətini yoxlayıb

Azərbaycan Ordusunun Baş Qərargah rəisi ilə türkiyəli həmkarı arasında telefon danışığı olub

Briqada komandirləri, müavinləri, əməliyyat və döyüş hazırlığı şöbə rəisləri ilə toplanış keçirilib