ABŞ Prezidenti Donald Trampın fəaliyyətinə amerikalıların dəstəyi 42 %-ə düşüb. Bu onun Ağ evə qayıtdığı vaxtdan bəri ən aşağı göstəricidir.

“Report” xəbər verir ki, bu, “Ipsos” xidmətinin “Reuters” agentliyi üçün keçirdiyi sorğuların nəticələrində əks olunub.

Belə ki, respondentlərin 42 %-i Trampın dövlət başçısı kimi fəaliyyətini bəyənir, yarıdan çoxu – 53% – onun siyasətini dəstəkləmir.

“Ipsos”un əvvəlki sorğusunun nəticələrinə görə, Trampın təsdiq reytinqi 43 % idi. Mart ayının ikinci yarısında bu göstərici 45 % təşkil edirdi. Agentlik populyarlığın azalmasını, o cümlədən Tramp administrasiyasının “həddindən artıq liberal olan” universitetləri təqib etməsi ilə əlaqələndirir: aprel ayının ortalarında ABŞ Təhsil Nazirliyi Harvard Universitetinə 2,2 milyard dollar məbləğində qrantların və 60 milyon dollar məbləğində uzunmüddətli müqavilələrin dondurulduğunu elan edib.

Sorğu iştirakçılarının 59 %-i hesab edir ki, ABŞ beynəlxalq arenada nüfuzunu itirir. Sorğuda iştirak edənlərin təxminən dörddə üçü Trampın 2028-ci ildə üçüncü müddətə namizədliyini irəli sürməsini istəmir.

Oxşar xəbərlər

Sorğu: Trampın reytinqi sui-qəsd cəhdindən sonra yüksəlib

Sorğu: Amerikalıların əksəriyyəti Trampın fəaliyyətindən narazıdır

CNN: ABŞ-də Harvard Universitetinin vergi statusunu yenidən nəzərdən keçirməyi planlaşdırırlar

Sorğu: ABŞ-də Trampın dövlət işlərində milyarderlərə arxalanması bəyənilmir

Tramp Administrasiyası Harvarda ayrılan 2,2 milyard dollarlıq qrantı dondurub