Birləşmiş Ştatlar Çinə təsir göstərmək üçün ciddi rıçaqlara malikdir.

“Report” xəbər verir ki, bu barədə Ağ evin aparatının rəhbər müavini Stiven Miller “Fox News” telekanalına müsahibəsində bildirib.

“ABŞ həmçinin Çinə təsir göstərmək üçün əhəmiyyətli və əsaslı rıçaqlara malikdir. İlk növbədə, biz ölkəni, onun bütün inkişafını və sənayeləşməsini tam maliyyələşdiririk”, – o xatırladıb. – “Bizim başqa təsir rıçaqlarımız da var, bu barədə dərinə getmək istəmirəm, lakin Çinin təhlükəsizliyi üçün son dərəcə vacib olan və ABŞ-yə ehtiyac duyduqları bir çox şey var. Beləliklə, Çin üçün deeskalasiya yolunu seçmək çox ağıllı olardı”.

Xatırladaq ki, aprelin 2-də ABŞ Prezidenti Donald Tramp 185 ölkə və ərazidən gələn mallara gömrük rüsumlarının tətbiq ediləcəyini açıqlamışdı. Aprelin 9-da o, danışıqlara hazır olduğunu bildirən 75 ölkəyə qarşı rüsumların artırılmasını 90 gün müddətinə dayandırdığını bildirmişdi. Onlar üçün 10 % həcmində idxal tarifləri tətbiq olunacaq.

Oxşar xəbərlər

Ağ ev: ABŞ artıq 130 ölkə ilə gömrük rüsumları üzrə danışıqlar aparır

KİV: ABŞ aprelin 9-dan Çinə 104 % rüsum tətbiq etməyə başlayacaq

Donald Tramp: "Yeni idxal rüsumları bütün ölkələrə təsir edəcək"

Tramp Çinə ticarət rüsumlarını 125 %-ə qaldırıb

Tramp Çini əlavə 50 %-lik rüsumlarla hədələyib