Pakistan təhlükəsizlik qüvvələri “Bəlucistan Azadlıq Ordusu”nun yaraqlıları tərəfindən ələ keçirilən qatarın girov saxlanılan azı 155 sərnişinini azad edib, 30-a yaxın ekstremisti öldürüb.

“Sizinxeber.az” TASS-a istinadən xəbər verir ki, bu barədə “Geo” telekanalı məlumat yayıb.

Təhlükəsizlik qurumlarındakı mənbələr bildiriblər ki, digər sərnişinlərin azad edilməsi ilə bağlı əməliyyatı davam etdirirlər. Hücumda iştirak edən yaraqlıların dəqiq sayı məlum deyil. Həmçinin bildirilib ki, azad edilmiş 17 girov "təcili tibbi yardım" göstərilməsi üçün xəstəxanaya yerləşdirilib.

Telekanalın məlumatına görə, hücum edənlər qatarı Əfqanıstan və İran sərhədləri yaxınlığındakı ucqar bir bölgəyə aparıblar. Girovların azad edilməsi üçün xüsusi əməliyyat başladıqdan sonra döyüşçülər kiçik qruplara bölünüblər. Təhlükəsizlik qurumlarındakı mənbələr iddia edir ki, ekstremistlər peyk telefonlarından istifadə edirlər və Əfqanıstanda olduğu güman edilən hücumun təşkilatçıları ilə əlaqə saxlayırlar.

Qeyd edək ki, martın 11-də günorta saatlarında silahlılar qatarda 450 sərnişini girov götürüblər. Onlar dəmiryol relslərini partladıb, sonra qatara atəş açıblar. Qatarın maşinisti yaralanıb.

Oxşar xəbərlər

KİV: Pakistanda qatarda girov götürülən 100-dən çox sərnişin azad edilib - YENİLƏNİB

KİV: Pakistanda qatarda girov götürülən 450 sərnişindən bir qismi azad edilib

Pakistanda qatarda 400 sərnişini girov götürən terrorçular zərərsizləşdirilib

Pakistanda sərnişin qatarını girov götürən terrorçular zərərsizləşdirilib

Qəzzada azad edilən üç girov Qızıl Xaç əməkdaşlarına təhvil verilib