Slovakiyanın hakim koalisiyasının tərkibinə daxil olan Slovakiya Milli Partiyası Rusiyaya qarşı sanksiyaların ləğv edilməsində israr edir.

“Report” xəbər verir ki, bu barədə TASR informasiya agentliyi məlumat yayıb.

Partiya Slovakiya Milli Şurasına (parlamentə) sanksiyaların uzadılmaması və ləğv olunmasını tələb edən qətnamə təqdim edəcək.

Partiya hesab edir ki, sanksiyalar Slovakiya iqtisadiyyatına ciddi ziyan vurur.

“Sanksiyalar bizdən daha çox şey alır, nəinki müsbət nəticələr verir. Onların fəsadları enerji qiymətlərinin artması, müəssisələrimizin rəqabət qabiliyyətini itirməsi və iqtisadi qeyri-müəyyənliyin dərinləşməsidir. Biz sakit dayanıb başqalarının yerimizə qərar verməsinə və bizi iqtisadi cəhətdən zəiflətməsinə tamaşa edə bilmərik. Slovakiya öz maraqlarını qorumalı, bizə zərər verən qərarları kor-koranə yerinə yetirməməlidir”, – Slovakiya Milli Partiyasının sədri, Milli Şuranın sədr müavini Andrey Danko agentliyə bildirib.

Oxşar xəbərlər

Slovakiya parlamentinin vitse-spikeri Moskvaya səfər etməyi planlaşdırır

Slovakiya NK: Kiyevin “LUKOIL”-a qarşı sanksiyaları ilk növbədə Aİ-yə ziyan vurur

Slovakiya Ukraynaya minatəmizləmə sistemləri göndərəcək

Fitso: Ukrayna Slovakiya vasitəsilə tranzit qaz alır

Slovakiya parlamentinin sədri prezidentliyə namizəd olmaq niyyətindədir