Çexiya hökuməti neft emalı zavodlarının (NEZ) operatoru olan “Orlen Unipetrol” şirkətinə dövlət ehtiyatlarından 330 min tonadək neft təqdim edəcək.

“Report” CTK-ya istinadən xəbər verir ki, bu barədə Çexiyanın Dövlət Ehtiyatları İdarəsinin rəhbəri Pavel Şvaqr açıqlama verib.

O, ölkənin neft qıtlığı ilə üzləşmədiyini vurğulayıb. Ehtiyatların istifadəsi NEZ-lərin bir ay ərzində sabit fəaliyyətini təmin etmək üçün vacibdir. Şvaqrın sözlərinə görə, bunun üçün hökumət neft anbarlarında toplanmış ehtiyatların üçdə birini təqdim etməyə hazırdır.

Qeyd edək ki, bu gün Çexiyanın sənaye və ticarət naziri Lukaş Vlçek “Drujba” boru kəməri vasitəsilə neftin nəqlinin dayandırıldığını, lakin problemin səbəbinin açıqlanmadığını söyləyib.

Oxşar xəbərlər

Çexiya tam şəkildə Qərb neftinin tədarükünə keçəcək

Çexiya gələn ilin iyulundan Rusiyadan neft almağı dayandırmağı planlaşdırır

Slovakiyalı nazir AK-nın neft tranziti məsələsinin həllində fəaliyyətsizliyini qeyd edib

Xəzər Boru Kəməri Konsorsiumu neft nəqlinin həcmini artırıb

Rusiyanın “Drujba” magistral neft kəmərinin işini təmin edən obyektə zərbə endirilib