Səudiyyə Ərəbistanı İsrailin Baş naziri Binyamin Netanyahunun fələstinlilərin məskunlaşdırılması və krallıq ərazisində Fələstin dövlətinin yaradılması ilə bağlı şərhlərini rədd edib.

“Report” xəbər verir ki, bu barədə Səudiyyə Ərəbistanı Xarici İşlər Nazirliyinin bəyanatında deyilir.

Bundan əvvəl İsrailin 14-cü telekanalının aparıcısı Netanyahu ilə müsahibə zamanı, görünür, səhv danışaraq, “Fələstin dövləti” əvəzinə “Səudiyyə dövləti” deyib.

İsrailin baş naziri ona düzəliş edərək əlavə edib: “Yox, əgər siz, Səudiyyə Ərəbistanında Fələstin dövlətini istəmirsinizsə, onların çoxlu əraziləri var”.

“Krallıq diqqəti İsrailin Qəzza zolağında fələstinli qardaşlarımıza qarşı törətdiyi davamlı cinayətlərdən, o cümlədən etnik təmizləmədən yayındırmaq məqsədi daşıyan bu cür bəyanatları qəti şəkildə rədd etdiyini bir daha bəyan edir. Qardaş Fələstin xalqının öz torpağına haqqı var. Onlar istənilən vaxt qovulacaq yadplanetlilər və ya köçkünlər deyillər”, - bəyanatda bildirilir.

Oxşar xəbərlər

BƏƏ Netanyahunun Səudiyyə Ərəbistanında Fələstinin yaradılması ilə bağlı bəyanatlarını pisləyib

Netanyahunun ofisi İsrailin Fələstin dövlətinin tanınması ilə bağlı xəbəri təkzib edib

Səudiyyə Ərəbistanı XİN Netanyahunun fələstinlilərə dair bəyanatını qəbuledilməz sayıb

İsrail Səudiyyə Ərəbistanı ilə münasibətləri normallaşdırmağa tələsmir

XİN: Səudiyyə Ərəbistanı Fələstin dövlətinin yaradılmasına dəstəyini bir daha təsdiqləyir