Almaniyanın üç gəmisi Baltik dənizinin Rügen adasının şimalında sürüklənən, idarədən çıxmış "Eventin" tankerini yedəkləyib və onun yerində qalmasına kömək edib.

“Sizinxeber.az”un xəbərinə görə, bu barədə DPA agentliyi Dəniz Qəza Xilasetmə Xidmətinə istinadən məlumat verib.

Əvvəlcə “Bremen Fighter” yedək gəmisi cümə axşamı “Eventin”ə yaxınlaşıb və onunla əlaqə yaradıb. Sonra daha iki gəmi yaxınlaşıb və tankeri yerində saxlamağa kömək edib: bunlar “VB Luca” və “VB Bremen”dir. Helikopterin köməyi ilə “Eventin”ə mütəxəssislər qrupu enib.

“Onların yanında fənərlər və radiolar var, çünki göyərtədəki akkumulyatorlar tədricən tükənir”, - xilasetmə xidmətinin nümayəndəsi bildirib.

İlkin məlumata görə, “Eventin”də elektrik enerjisi kəsilib.

Vəziyyət pis hava şəraiti ilə çətinləşib: tankerin yerləşdiyi ərazidə fırtına baş verib, dalğalar 2,5 m yüksəkliyə çatıb. Almaniyanın Qəza Xilasetmə Xidmətinin məlumatına görə, “Eventin”ində təxminən 99 min ton neft var. Söhbət Panama bayrağı altında hərəkət edən 274 metrlik gəmidən gedir. Ekipaj 24 nəfərdir. Tanker Rusiyanın Ust-Luq limanından Misirin Port-Səid şəhərinə yola düşüb.

İlkin məlumata görə, idarəetmə itkisinin səbəbi mühərrik nasazlığı olub. Hələlik ətraf mühit üçün heç bir təhlükə yoxdur.

Oxşar xəbərlər

Almaniya gəmiləri idarəetmədən çıxmış tankeri yedəkləyib

Rusiyanın Qara dənizdə iki tankeri qəzalı vəziyyət düşüb - YENİLƏNİB-1

İki tankerin qəzaya uğraması nəticəsində Qara dənizdə neft sızması baş verib – YENİLƏNİB

NATO Baltik dənizində iştirakını artıracaq