ABŞ-nin Los-Anceles ştatının Yanğınsöndürmə Xidməti Hollivud yaxınlığındakı ərazilərin sakinlərinin təxliyəsi barədə əmr verib.

“Sizinxeber.az” xəbər verir ki, bu barədə “Reuters” agentliyi məlumat yayıb.

Təxliyə edilməli olan ərazilərə Hollivudun Şöhrət xiyabanı və martın 3-də "Oskar" mükafatının təqdimetmə mərasiminin keçiriləcəyi "Dolbi" teatrı da daxildir.

“The Washington Post”un məlumatına görə, yanğınlar nəticəsində ölənlərin sayı beşə çatıb. Pasifik Palisadesdə yanğın 63,9 kvadrat kilometr əraziyə yayılıb.

ABŞ-də Los-Anceles şnatı yaxınlığında baş verən meşə yanğınları Hollivud təpələrinə çatıb.

Bu barədə “Sizinxeber.az” “Associated Press”ə istinadən xəbər verir.

Məlumata görə, "Sunset" adlanan daha bir meşə yanğını tarixi “Hollywood Bowl” konsert zalının yaxınlığındakı Ranon Kanyon parkında yerli vaxtla saat 17:30-da (Bakı vaxtı ilə 05:30) başlayıb.

Qraumanın Çin Teatrı və Madam Tüsso muzeyinin ətrafındakı küçələr maşınlarla doludur, hər yerdə sirena səsləri eşidilir. Şəhərin üzərindən alçaqdan uçan helikopterlər su tökür. Otel sakinləri otelləri tərk edir.

Qeyd edək ki, m​​​​​​eşə yanğını yanvarın 7-də Los-Ancelesdə Santa-Monika və Malibu arasında yerləşən Pasifik-Paliseyds sahil rayonunda başlayıb. Hazırda 1000-dən çox bina, əsasən yaşayış evləri yanğından zərər çəkib. 130 min sakin təxliyə zonasındadır, faciənin 5 qurbanı var. Söndürmə işlərinə aviasiya cəlb edilib.

ABŞ Prezidenti Cozef Bayden Kaliforniyada fövqəladə vəziyyət elan edib. Meşə yanğını ştatın tarixində ən böyük yanğınlardan biri olub.

Oxşar xəbərlər

Kaliforniyada meşə yanğınları səbəbindən 30 min nəfər təxliyə edilib [xfgiven_updateblue][/xfgiven_updateblue]

Çilidə meşə yanğınları nəticəsində ölənlərin sayı 46-ya çatıb - YENİLƏNİB [xfgiven_updateblue][/xfgiven_updateblue]

Türkiyə Yunanıstana meşə yanğınları ilə mübarizə üçün yardım təklif edib [xfgiven_updateblue][/xfgiven_updateblue]

İzmirdə meşə yanğını yaşayış evlərinə çatıb, sakinlər təxliyə olunur [xfgiven_updateblue][/xfgiven_updateblue]

Türkiyənin Muğla vilayətində meşə yanğınları başlayıb [xfgiven_updateblue][/xfgiven_updateblue]