Polşanın xarici işlər naziri Radoslav Sikorski Macarıstanın Varşavadakı səfirinin Polşanın Avropa İttifaqı (Aİ) Şurasında sədrlik müddətinin başlanması münasibətilə keçiriləcək qala-konsertə dəvətini ləğv edib.

“Report” xəbər verir ki, bu barədə “TVP Info” telekanalına ölkənin Avropa İttifaqı məsələləri üzrə nazirinin müavini Maqdalena Sobkovyak-Çarnetskaya bildirib.

“Biz bütün diplomatik korpusu dəvət etdik, lakin cənab nazir Sikorski Macarıstan səfirinə onun teatrda olmasının arzuedilməz olması barədə nota göndərdi”, - siyasətçi deyib. O əlavə edib ki, tədbirdə Macarıstanın Baş naziri Viktor Orban da olmayacaq.

Qeyd edək ki, Aİ Şurasına sədrlik yanvarın 1-dən etibarən, yanvarın 1-dən altı ay müddətinə Polşaya keçib. İki ölkə arasındakı vəziyyət Budapeştin Polşada axtarışda olan Ədliyyə Nazirliyinin keçmiş rəis müavini Marçin Romanovskiyə siyasi sığınacaq verməsindən sonra gərginləşib. Varşava bu addımı düşmənçilik adlandırıb və müddətsiz məsləhətləşmələr üçün Budapeştdəki səfirini geri çağırıb.

Oxşar xəbərlər

Macarıstan səfiri Polşa XİN-ə çağırılıb

Polşanın xarici işlər naziri: Ukraynanın Avropa İttifaqına daxil olması çətin olacaq

Polşa keçmiş nazir müavininə sığınacaq verdiyinə görə Macarıstan səfirini XİN-ə çağıracaq

Viktor Orban: Avropa Komissiyası müqavilələrin zəmanətçisi deyil, siyasi alət rolunu oynayır

Polşa ilə Almaniya arasında vəziyyət gərginləşib