2024-cü ildə La-Manş boğazı vasitəsilə Böyük Britaniyaya qanunsuz keçən xarici vətəndaşların sayı 2023-cü illə müqayisədə 25 % artaraq 29,4 mindən 36,8 min nəfərə yüksəlib.

“Sizinxeber.az” TASS-a istinadən xəbər verir ki, bu barədə krallığın Daxili İşlər Nazirliyi məlumat yayıb.

Rekord göstərici 2022-ci ildə qeydə alınıb. Həmin il 45,8 min əcnəbi rezin qayıqlarla La-Manş boğazından keçməklə təhlükəli səyahət edib. Ümumilikdə 2018-ci ildən bəri Fransadan Birləşmiş Krallığa sığınacaq almaq ümidi ilə 150 min qanunsuz miqrant keçib. Altı il ərzində 300-dən çox, 2024-cü ildə isə 77 insan Britaniya sahillərinə çatmağa çalışarkən həlak olub.

"İnsanları qanunsuz yolla Böyük Britaniyaya daşıyan cinayətkar qruplaşmaları istismar etdikləri həssas insanların ölməsi və ya qalması maraqlandırmır. Cinayətkarlar üçün əsas pul qazanmaqdır. Biz onların fəaliyyətini dayandırmaq və məhkəməyə cəlb etmək üçün hər şeyi edəcəyik ", - DİN-in bəyanatında deyilir.

Qeyri-qanuni miqrasiya problemi Böyük Britaniyanın Aİ-dən çıxmasından sonra kəskinləşib, halbuki məhz bu aspekt Brexit-in əsas səbəblərindən biri idi. 2024-cü ilin sentyabrında DİN sərhəd təhlükəsizliyinin gücləndirilməsi və qanunsuz miqrantları daşıyan cinayətkar qruplaşmalara qarşı mübarizə tədbirlərinin təkmilləşdirilməsi üçün 100 milyon dollar ayıracağını elan edib.

Oxşar xəbərlər

KİV: 2018-ci ildən Britaniyaya dəniz yolu ilə gələn qanunsuz miqrantların sayı 150 mini keçib

Bir gündə Britaniyaya 500-ə yaxın qeyri-qanuni miqrant gəlib

Britaniya qanunsuz miqrantların sayına görə Avropada birinci yerdədir

Albaniyanın Britaniyaya təyin olunan yeni səfirinin qanunsuz miqrant olması üzə çıxıb

Britaniya qeyri-qanuni miqrantların sayına görə Avropada birinci yerdədir