Malinin mərkəzi hissəsində silahlı döyüşçülərin bir neçə kəndə hücumu nəticəsində azı 20 nəfər həlak olub.

“Sizinxeber.az” xəbər verir ki, bu barədə AFP təhlükəsizlik orqanlarındakı mənbələrə istinadən məlumat verib.

Ekstremistlər Bandiaqara rayonunda Burari, Madina, Bangel-Tupe-Singel, Qaza, Massasege və Sonfunu yaşayış məntəqələrinə hücum ediblər. Silahlılar həmçinin yaşayış binalarını və taxıl anbarlarını yandırıblar.

AFP-nin məlumatına görə, kənd sakinləri arasında çoxlu yaralı var. Yerli hakimiyyət orqanlarına görə, döyüşçülərin həmlələri “xaos yaratmağa yönəlib”.

Mali iqtidarı ilə ekstremist və separatçı qruplar arasında silahlı münaqişə 2012-ci ildə başlanıb. O vaxtdan bəri ölkə böhran durumundadır, ilk növbədə təhlükəsizlik və sosial-iqtisadi inkişaf sahəsində.

Oxşar xəbərlər

Malidə yaraqlılar üç ayda bir kəndin 100-ə yaxın sakinini öldürüblər

Mali ordusu ölkənin cənub-qərbində terrorçuların bir neçə bazasını məhv edib

Konqonun şərqində silahlılar azı 38 nəfəri öldürüb

Mali ordusu terrorçularla son döyüşlərdə xeyli itki verib

Əfqanıstanda silahlı şəxslərin hücumu nəticəsində 14 nəfər həlak olub