ABŞ konqresmenləri 2025-ci maliyyə ili üçün müdafiə büdcəsi layihəsini (oktyabrın 1-də başlayıb) 884 milyard dollar məbləğində təsdiqləyiblər.

"Report"un məlumatına görə, Amerika qanunverici orqanının Nümayəndələr Palatasının iclası onun saytında yayımlanıb.

Konqres Senatının gələn həftə büdcə qanun layihəsini təsdiq edəcəyi gözlənilir, bundan sonra sənədi ABŞ Prezidenti Cozef Bayden imzalamalıdır.

Pentaqonla bağlı 1,8 min səhifədən ibarət layihənin mətnində yenidən qalıq yanacaqlarla əməliyyatlar aparan qurumlarla, Rusiya Federasiyası hökuməti və ya Rusiyanın enerji sektoru ilə müqavilələrin bağlanmasına qadağa daxildir.

Qanunvericilər Rusiya Federasiyasını kinetik enerjili silah texnologiyaları, həmçinin raketdən müdafiə sistemləri üçün telemetriya məlumatları ilə təmin etmək üçün vəsait ayrılmasını yasaqlayıblar.

Sənədə əsasən, müdafiə büdcəsi rekord məbləğdə 884 milyard dollar təşkil edəcək ki, bu da ötən maliyyə ilindən 1 % çoxdur. Konqresdə Nümayəndələr Palatası və Senat tərəfindən hazırlanan fərqli müdafiə büdcəsi layihələrinin təfərrüatlarını razılaşdırmaq üçün hər iki palatadan nümayəndələrdən ibarət komissiya yaradılıb. Razılaşdırılmış müdafiə büdcəsi layihələri adətən qısa müddət ərzində təsdiqlənir.

Oxşar xəbərlər

Polşa 2025-ci ildə müdafiəyə rekord məbləğdə vəsait xərcləyəcək