Suriya müxalifətinin lideri Əbu Muhəmməd Əl-Culani baş verənləri bütün ölkə vətəndaşlarının qələbəsi adlandırıb.

"Sizinxeber.az" "Əl-Cəzirə" telekanalına istinadən xəbər verir ki, o, Dəməşqdəki Əməvi məscidində bu bəyanatla çıxış edib.

Qeyd edək ki, bu, Əl-Culaninin Ərəb Respublikasının paytaxtına gəlişindən sonra ilk ictimai çıxışıdır.

Qətər telekanalı onun sözlərini sitat gətirib: "Bu qələbə regionda yeni tarixin başlanğıcı olacaq".

Xatırladaq ki, noyabrın 27-də Suriya müxalifət silahlı birləşmələri Hələb və İdlib əyalətlərində hökumət qüvvələrinin mövqelərinə genişmiqyaslı hücuma keçib. Dekabrın 7-də axşam saatlarında Suriya prezidenti Bəşər Əsədin əleyhdarları bir neçə böyük şəhəri - Hələb, Həma, Deyr əz-Zor, Dəra və Homsu ələ keçiriblər. Ayın 8-də səhər saatlarında onlar Dəməşqə daxil olublar, bundan sonra Suriya ordusunun bölmələri şəhəri tərk ediblər. Bəşər Əsədin vəzifəsini və ölkəni tərk etdiyi bildirilir.

Oxşar xəbərlər

KİV: Bəşər Əsəd ailəsi ilə birlikdə Moskvadadır

Suriyanın Madriddəki səfirliyinin eyvanında rəsmi bayraq dəyişdirilib

Aİ daha yaxşı gələcək üçün Suriya xalqı ilə işləməyə hazırdır

Rusiya BMT TŞ-dən Suriyadakı vəziyyətlə bağlı təcili məsləhətləşmələr tələb edib

Bəşər Əsədin Dəməşqdə talan edilmiş sarayının görüntüləri yayılıb