Türkiyə Prezidenti Rəcəb Tayyib Ərdoğan Qətər Əmiri Təmim bin Həməd Əl-Tanini Ankarada Ağ Sarayda qəbul edib.

“Report” xəbər verir ki, bu barədə Türkiyə KİV məlumat yayıb.

Məlumata görə, Əl-Tani Türkiyə-Qətər Ali Strateji Komitəsinin 10-cu iclasında iştirak etmək üçün Ankaraya gəlib.

“Biz Qətər əmirini, əziz qardaşım Təmim bin Həmədi və onun nümayəndə heyətini Prezident sarayında qəbul etdik və çox məhsuldar danışıqlardan sonra 8 müqavilə imzaladıq. Dost və qardaş Qətərlə sıx əməkdaşlığımızı gücləndirməyə davam edəcəyik”, – Ərdoğan “X” sosial şəbəkəsində yazıb.

Qeyd olunur ki, görüşdən sonra tərəflər müxtəlif sahələrdə, o cümlədən humanitar yardım, rabitə və media, idman, avtomobildə sərnişin və yük daşımaları sahəsində, müdafiə qurumları arasında texniki əməkdaşlığa dair ikitərəfli əməkdaşlıqla bağlı səkkiz saziş imzalayıblar.

Oxşar xəbərlər

Ərdoğan Qətər əmiri ilə Yaxın Şərqdəki vəziyyəti müzakirə edib

İran Prezidenti Qətər əmiri ilə görüşmək üçün Dohada səfərdədir

Prezident İlham Əliyev Türkiyə ilə imzalanmış sazişi təsdiqlədi

Rəcəb Tayyib Ərdoğan Naxçıvana gəlib - CANLI YAYIM

Azərbaycanla Türkiyə arasında gəlirlərə görə ikiqat vergitutmanın ləğvinə dair saziş ratifikasiya olunub