Avropa Komissiyası Avropa İttifaqının (Aİ) büdcəsindən icmanın depressiv bölgələrinin inkişafına nəzərdə tutulmuş təxminən 400 milyard avro ayıraraq müdafiə ehtiyaclarına xərcləməyi planlaşdırır.

“Report” xəbər verir ki, bu barədə “Financial Times” (FT) qəzeti məlumat yayıb.

Qəzetin mənbələrinə görə, Avropa Komissiyası yaxın vaxtlarda Aİ ölkələrinə hərbi-sənaye kompleksi və hərbi nəqliyyat infrastrukturuna “Birləşmə fondu”ndan (Cohesion fund) vəsait xərcləməyə icazə verməyi planlaşdırır. Bu fond blok ölkələrinin ən geridə qalmış bölgələrinin maliyyələşdirilməsi və onların inkişaf səviyyəsinin qabaqcıl bölgələrlə yaxınlaşdırılması üçün nəzərdə tutulub.

Brüssel yeddi il ərzində bu məqsədlər üçün 392 milyard avro ayırmağı planlaşdırırdı. Fond vəsaitlərinin əsas benefisiarları Şərqi Avropa ölkələri, ilk növbədə Polşa və Baltikyanı ölkələrdir.

Avropa Komissiyası hələlik bu pulların birbaşa silah alınmasına istifadəsinə razılıq verməyib, lakin onlar hərbi sənayeyə investisiyalara və hərbi infrastruktur layihələrinə xərclənəcək.

Oxşar xəbərlər

Aİ Rusiyanın dondurulmuş aktivlərindən Ukraynaya 35 milyard avro kredit ayıracaq

Aİ Ukrayna üçün silah alışına 1,4 milyard avro yönəldib

Avropa Parlamenti Ukraynaya 35 milyard avro kreditin ayrılmasını təsdiqləyib

Avropa Komissiyası Ukraynaya enerji infrastrukturu üçün 40 milyon avro ayırıb