Vaşinqton ştatının Milli Qvardiyası prezident seçkiləri dövründə yerli hüquq-mühafizə orqanlarına təhlükəsizliyin qorunmasında kömək edəcək.

“Sizinxeber.az” xəbər verir ki, bu barədə regionun qubernatoru Cey İnslinin bəyanatında deyilir.

“Qvardiya dörd gün ərzində – 4-7 noyabr tarixlərində hazır vəziyyətdə olacaq”, – bəyanatda qeyd olunub. Lazım gələrsə, milli qvardiyaçılar yerli hüquq-mühafizə orqanlarına kömək etməlidirlər.

Bildirilib ki, bu qərar qubernator tərəfindən “yalnız ehtiyat tədbiri kimi” ABŞ Daxili Təhlükəsizlik Nazirliyinin “seçki infrastrukturuna” mümkün təhdidlər barədə xəbərdarlığına və Vaşinqton və Oreqon ştatlarında seçki qutularının yandırılması ilə əlaqədar qəbul edilib.

Vaşinqton ştatının Milli Qvardiyasının rəhbərliyi bu dövrdə təhlükəsizliyin təmin edilməsində iştirak edəcək əməkdaşlarının sayını müəyyən edəcək.

Oxşar xəbərlər

Qazaxıstanın Talqar şəhərinə yeniyetmənin öldürülməsindən sonra Milli Qvardiya yeridilib

Yasamalda ağaclar kəsilib, iş hüquq-mühafizə orqanlarına göndəriləcək

Növbədənkənar parlament seçkiləri ilə bağlı “Polis əməkdaşları üçün yaddaş kitabçası” hazırlanıb

MN-dən prezident seçkiləri ilə bağlı açıqlama

Minnesota ştatının qubernatoru ABŞ-də vitse-prezident postuna rəsmən namizəd olub