İsrailin Müdafiə Ordusu İrandakı obyektlərə hücumun başa çatdığını elan edib.

“Sizinxeber.az” xəbər verir ki, bu barədə İsrail Müdafiə Ordusunun Mətbuat xidməti məlumat yayıb.

"Bu yaxınlarda İsrail Müdafiə Ordusu İranın bir neçə bölgəsində hərbi hədəflərə dəqiq və hədəfli zərbələr endirməyi başa çatdırdı", - məlumatda deyilir.

"Kəşfiyyat məlumatlarına görə, Hərbi Hava Qüvvələri təyyarələri İranın son bir il ərzində İsrail Dövlətinə atdığı raketlərin istehsalı üçün istifadə olunan istehsal müəssisələrinə zərbələr endirdi", odrunun açıqlamasında deyilir.

Bəyanatda, həmçinin qeyd olunur ki, İran rejimi hücumlarını davam etdirsə İsrail Dövləti vətəndaşlarını qorumaq hüququnu özündə saxlayır.

Həmçinin ölkənin silahlı qüvvələrinin rəsmi nümayəndəsi Daniel Hagari bildirib ki, İran regionda vəziyyətin gərginləşməsinin yeni mərhələsinə başlayacağı təqdirdə İsrail Ordusu cavab verməyə məcbur olacaq.

Qeyd edək ki, daha əvvəl yerli və xarici mətbuat Tehranda partlayış səslərinin eşidilməsi barədə xəbərlər yayıblar. Sonra məlum olub ki, İsrail İrana iki dəfə hava zərbəsi endirib. İkinci zərbə Şiraz şəhərinə endirilib.

Ölən və ya xəsarət alanlar, dağıntılar barədə məlumatlar yoxdur.

Oxşar xəbərlər

İsrail ordusu İrandakı obyektlərə hücumun başa çatdığını elan edib [xfgiven_updateblue][/xfgiven_updateblue]

İsrail İranın hərbi obyektlərinə zərbə endirdiyini bildirib - YENİLƏNİB-2 [xfgiven_updateblue][/xfgiven_updateblue]

İsrail ordusu Livanda hədəflərə yeni zərbələr endirib [xfgiven_updateblue][/xfgiven_updateblue]

İsrail ordusu Livanda onlarla hədəfə yeni zərbələr endirib [xfgiven_updateblue][/xfgiven_updateblue]

İsrail ordusu “Hizbullah”ın 280-dən çox hədəfinə hücum edib [xfgiven_updateblue][/xfgiven_updateblue]