Rusiya Prezidenti Vladimir Putin BRICS sammiti çərçivəsində Türkiyə lideri Rəcəb Tayyib Ərdağan ilə ikitərəfli görüş keçirir.

“Report” TASS-a istinadən xəbər verir ki, liderlər ticari-iqtisadi əlaqələrin inkişafı perspektivlərini, eləcə də Türkiyə ərazisində beynəlxalq qaz qovşağının yaradılması layihəsini müzakirə edəcəklər.

Gündəlikdəki məsələlərin müzakirəsindən əvvəl Putin Ankarada törədilmiş terror aktı ilə əlaqədar Ərdoğana başsağlığı verib.

“İşimizə başlamazdan əvvəl terror aktı ilə əlaqədar sizə başsağlığı vermək istərdim. Mediada Türkiyədə terror aktı baş verdiyi barədə məlumatlar çıxıb”, - Rusiya lideri söyləyib.

Qeyd edək ki, bundan əvvəl Rusiya və Türkiyə liderləri son dəfə Şanxay Əməkdaşlıq Təşkilatının iyul ayında Astanada baş tutmuş sammitindən əvvəl görüşmüşdü.

Oxşar xəbərlər

Putin və Ərdoğan Türkiyədə qaz qovşağının yaradılması layihəsini müzakirə edəcək

Putin BRICS çərçivəsində bir sıra dövlətlərin liderləri və BMT Baş katibi ilə görüşəcək

Putin oktyabrda Kazanda Ərdoğanla görüşməyi planlaşdırır

Putin 34 ölkənin BRİCS-ə qoşulmaq istədiyini bəyan edib