BMT Baş katibi Antoniu Quterriş Afrikadan BMT Təhlükəsizlik Şurasının (TŞ) daimi üzvü olmasının zəruriliyini bildirib.

“Report” “İnterfaks”a istinadən xəbər verir ki, o, bu barədə Pekində 50-dən çox Afrika ölkəsinin liderlərinin iştirak etdiyi Çin-Afrika Əməkdaşlıq Forumunda bildirib.

“Afrika qitəsinin hələ də Təhlükəsizlik Şurasında daimi yerinin olmaması çox qəribədir”, - o deyib.

Quterriş vurğulayıb ki, qitənin məruz qaldığı tarixi ədalətsizlikləri düzəltməyin vaxtı çatıb. Eyni zamanda, o, region ölkələrinin borcdan əziyyət çəkdiyini və borc yükünü yüngülləşdirmək yollarına çıxış imkanlarının, onların davamlı inkişaf və maliyyələşdirmə üçün resurslarının olmadığını qeyd edib.

O, Çinin iqtisadi uğurlarına, o cümlədən yoxsulluqla mübarizə sahəsindəki nəticələrinə diqqət çəkərək qeyd edib ki, Çinin əldə etdiyi təcrübə və biliklər qida sistemlərində və rəqəmsal kanallar vasitəsilə kommunikasiya sahəsində əsas transformasiyalara kömək edə bilər.

Qeyd edək ki, hazırda BMT TŞ-də 5 daimi üzv var: Rusiya, ABŞ, Çin, Böyük Britaniya və Fransa.

Oxşar xəbərlər

Afrika ölkələrinin BMT TŞ-də təmsil edilməsi təklifi irəli sürülüb

Afrika dövlətlərinin suveren borcu 1 trilyon dollara çatıb

Çin Afrika ölkələrinin hərbçilərinə təlimlər keçəcək

Çinin BMT-dəki daimi nümayəndəsi vəzifəsini tərk edəcək

Quterriş: Dünya yenidən nüvə silahından istifadə təhlükəsi ilə üz-üzədir