BMT-nin Baş katibi Antoniu Quterriş dünyanın yenidən nüvə silahından real istifadə təhlükəsi ilə üz-üzə gəldiyini hesab edir.

“Sizinxeber.az” xəbər verir ki, bunu o, ABŞ-nin Hirosimaya nüvə bombası atmasının 79-cu ildönümü ilə bağlı anım mərasimində BMT Baş katibinin müavini və tərk-silah məsələləri üzrə ali nümayəndəsi İdzumi Nakamitsunun oxuduğu müraciətdə bildirib.

“Nüvə silahları və onlardan istifadə ilə bağlı təhdidlər təkcə tarix dərsliklərinin səhifələrində deyil, bu cür gündəlik ritorika beynəlxalq münasibətlərdəki vəziyyət fonunda yenidən özünü büruzə verir”, – deyə Quterriş bunun indi dünyanın üzləşdiyi real təhlükə olduğunu vurğulayıb.

BMT-nin Baş katibi əmindir ki, nüvə silahı təhlükəsini nəhayət aradan qaldırmağın yeganə yolu ondan tamamilə imtina etməkdir.

“Nüvə müharibəsində qalib ola bilməz və belə bir müharibə heç bir halda başlanmamalıdır”, – o vurğulayıb.

Oxşar xəbərlər

Tramp nüvə silahını bəşəriyyət üçün əsas təhlükə adlandırıb

Pentaqon ötən il 200-dən çox nüvə silahı alıb

ABŞ dünyada nüvə məhdudiyyətlərini ləğv etməyə hazırlaşır

ABŞ öz nüvə başlıqlarının sayını açıqlayıb

ABŞ nüvə triadasının üçdə ikisi döyüşə hazır vəziyyətdədir