Yaponiyada "Ampil" tayfunu səbəbindən uçuşların təxirə salınması azı 120 min sərnişinə təsir edib.

"Report" xəbər verir ki, bu barədə TBS telekanalı məlumat yayıb.

Avqustun 16-da ləğv edilən reyslərin sayı 850-ni, bu gün isə 70-i ötüb. Cədvəldəki dəyişikliklər əsasən Tokionun Narita və Haneda hava limanlarında uçuşlara təsir edib. Uçuşların ləğvi yaponlar yay tətilindən qayıdarkən baş verib.

Həmçinin avqustun 16-da bəzi sürətli ekspress qatarların hərəkəti dayandırılıb.

"Ampil" tayfununun Yaponiyanın şərq və şimal-şərqindən keçəcəyi gözlənilirdi, lakin o, ölkə sahillərinə çatmayıb və Sakit Okeana tərəf dönüb.

Hazırda tayfun Hokkaydonun cənubunda yerləşir və şimal-şərq istiqamətində hərəkət edir.

Oxşar xəbərlər

“Ampil” qasırğası Yaponiyada həyatı iflic edib