Ukrayna Prezidenti Vladimir Zelenski bildirib ki, Rusiya Odessada Azərbaycanın dövlət neft şirkətinin neft infrastrukturu obyektlərinə qəsdən hücum edib.

"Report"un məlumatına görə, o bu barədə sosial şəbəkə səhifəsində yazıb.

"Odessada Azərbaycan şirkətinə məxsus enerji obyektinə Rusiya tərəfindən məqsədli zərbə endirildi. Yəni bu, bizim münasibətlərimizə və enerji müstəqilliyinə zərbədir", - deyə Zelenski vurğulayıb.

Ukrayna lideri bildirib ki, Rusiya ABŞ Prezidenti Donald Trampla bu gün Ağ Evdə keçirilməsi planlaşdırılan danışıqlar ərəfəsində Ukraynaya hücumları gücləndirdi.

Ukrayna lideri Rusiyanın zərbələrini "nümayişkaranə və riyakar" adlandırıb.

"Hamı layiqli sülh və həqiqi təhlükəsizliyə can atır, amma məhz bu anda ruslar Xarkovu, Zaporojyeni, Sumı vilayətini və Odessanı hücuma məruz qoyur, yaşayış evlərini və mülki infrastrukturumuzu dağıdırlar", - deyə o yazıb.

Oxşar xəbərlər

Zelenski: Rusiya Odessada Azərbaycan şirkətinə məxsus enerji obyektinə qəsdən hücum edib

Zelenski: Rusiya Odessanı tutmaqla Moldova və Rumıniya ilə sərhədə çatmaq istəyir

Zelenski: Rusiya enerji infrastrukturumuzu 200 ədəd PUA ilə hədəfə alıb

Tramp Ukrayna və Rusiya liderləri ilə danışıqlardan razı qalıb

Rusiya Odessada SOCAR-ın neft bazasına zərbə endirib