ABŞ prezidenti Donald Tramp və Rusiya prezidenti Vladimir Putin arasında görüşün keçirilməsi Ukraynada müharibənin dayandırılması məsələsində tərəflərin mövqelərinin yaxınlaşdırılmasında əldə edilə biləcək irəliləyişdən asılı olacaq.

"Sizinxeber.az"un məlumatına görə, bunu ABŞ-ın dövlət katibi Marko Rubio "Fox Business"a müsahibəsində deyib.

"Bilmirəm, (görüş - red.) gələn həftə baş tutacaq, yoxsa yox, bunu görmək qalır. Məncə, bu, hansı irəliləyiş əldə oluna biləcəyindən asılı olacaq. Çox şey bizim tərəflərin mövqelərini nə qədər yaxınlaşdıra biləcəyimizdən, irəliləyişə nail olub-olmayacağımızdan asılı olacaq", - o deyib.

Dövlət Departamentinin rəhbəri Trampın Rusiyaya qarşı yeni sanksiyalarla bağlı qərarının vaxtını da açıqlayıb.

"Bu, prezidentin yaxın 24-36 saat ərzində burada verməli olacağı qərardır" deyən Rubio, çox şeyin danışıqların necə getməsindən və yaxın iki gündə görüləcək işlərdən asılı olacağını əlavə edib.

Oxşar xəbərlər

Rubio: Tramp-Putin görüşünün vaxtı və yeri ilə bağlı detallar dəqiqləşdirilir

Rubio: Tramp Putinə heç bir güzəşt etməyib

Rubio: Putin və Trampın mümkün görüşünün tarixi və yeri hələ müəyyən edilməyib

Rubio: ABŞ İstanbuldakı Rusiya-Ukrayna danışıqlarına böyük ümid bəsləmir

Rubio: ABŞ Tramp-Putin görüşünə danışıqlardan sonra qərar verəcək