Kürdlərin rəhbərlik etdiyi "Suriya Demokratik Qüvvələri" (SDQ) ölkənin şimalına raket və artilleriya zərbələri endirib. Nəticədə dördü hərbçi, üçü mülki şəxs olmaqla yeddi nəfər yaralanıb.

“Sizinxeber.az” “Xinhua” agentliyinə istinadən xəbər verir ki, bu barədə SANA agentliyi Suriya Müdafiə Nazirliyinə istinadən məlumat yayıb.

Nazirlik bildirib ki,hücumlar Hələb əyalətinin şimalındakı Mənbic yaxınlığındakı kəndə olub. Hücum zamanı çoxlu reaktiv yaylım atəşi sistemləri və artilleriya mərmilərindən istifadə olunub.

Məlumata görə, hücumlar nizamsız həyata keçirilib və heç bir əsası olmayıb.

Qeyd edilir ki, raket və artilleriya mərmiləri ilə həyata keçirilən hücum nəticəsində evlərə ziyan dəyib. Bu, Suriya ordusunun bölgədəki bölmələrinin sürətli hərbi reaksiyasına səbəb olub.

Suriya Müdafiə Nazirliyi bildirib ki, Suriya hərbçiləri SDQ döyüşçülərinin Mənbicdən qərbdəki hərbi postlarından birinin yaxınlığında sızmaq cəhdini dəf ediblər.

Qəfil eskalasiyanın səbəbləri hələ bəlli deyil.

Oxşar xəbərlər

İsrail HHQ Hələb hava limanına zərbələr endirib

İsrail Suriya ordusunun mövqelərinə hücum edib

ABŞ ordusu Suriyanın şərqinə hava zərbələri endirib

Suriya Ordusu Xanasir şəhəri yaxınlığında yaraqlılara hücum edib

İsrail Suriyanın 12 mövqeyinə hücum edib