Şimali Atlantika Alyansı Ukraynaya silah tədarükü üçün yeni mexanizm üzərində işləyir.

"Report"un məlumatına görə, bu barədə mənbələrə istinadən "Reuters" məlumat yayıb.

Agentliyin həmsöhbətlərindən biri qeyd edib ki, Ukrayna hakimiyyəti onun üçün prioritet silahların siyahısını tərtib etməli və onu 500 milyon dollarlıq hissələrə ayırmalıdır.

Bundan sonra NATO müttəfiqləri təşkilatın baş katibi Mark Rütte ilə birlikdə vəsaitin haradan gələcəyinə qərar verəcək. Ehtimal olunur ki, bu yanaşma sayəsində alyans Ukraynanı 10 milyard dollar dəyərində Amerika silahları ilə təmin edə biləcək.

Mənbələrdən birinə görə, bu, Avropa ölkələrinə ABŞ-dan daha tez silah almağa və uzun bürokratik prosedurlardan qaçmağa imkan verəcək.

Oxşar xəbərlər

Tramp: ABŞ-nin NATO müttəfiqləri Amerika silahlarının Ukrayna üçün əvəzini ödəyəcəklər

NATO Baş katibi alyans ölkələrini Ukrayna üçün daha çox ABŞ silahı almağa çağırıb

NATO-nun baş katibi Ukrayna üzrə Təmas Qrupunun iclaslarında iştirak edəcək

Bayden Administrasiyası Ukraynaya 1,25 milyard dollarlıq silah paketi ayıracaq

Ötən il NATO dövlətləri ABŞ-dən 21 milyard dollar dəyərində silah alıblar