"Klyuçevskaya sopka" vulkanında lava püskürməsi qeydə alınıb - YENİLƏNİB

Kamçatkada "Klyuçevski sopka" vulkanının püskürməsi zamanı qərb yamacı boyunca qaynar lava axını müşahidə olunur.

"Report"un Rusiya KİV-lərinə istinadən məlumatına görə, bu barədə Rusiya Elmlər Akademiyasının Vahid Geofiziki Xidmətinin Kamçatka filialı məlumat verib.

"İlkin məlumat. Qərb yamacı boyunca qaynar lava axını müşahidə olunur. Vulkan üzərində güclü parıltı, partlayışlar", - məlumatda deyilir.

Kamçatka diyarında regionda baş verən böyük zəlzələdən sonra "Klyuçevskaya sopka" vulkanının püskürməsi qeydə alınıb.

"Report" xəbər verir ki, bu, Rusiya Elmlər Akademiyasının Vahid Geofiziki Xidmətinin Kamçatka filialının məlumatı sübut edir.

"Hazırda vulkanın püskürməsi baş verir", - məlumatda deyilir.

Qeyd edək ki, bu gün Kamçatkada 1952-ci ildən bəri ən güclü, 8,7 maqnitudalı zəlzələ baş verib. Sunami təhlükəsi elan edilib.