Ukraynanın Xarkov şəhərində azərbaycanlı iş adamının bütün əmlakı raket zərbələri nəticəsində darmadağın olub.

"Sizinxeber.az"un Şərqi Avropa bürosunun məlumatına görə, əslən Azərbaycanın Şəki şəhərindən olan, 40 ildir Xarkovda yaşayan Rafiq Qədirovun böyük istirahət mərkəzi və avtobus parkı Rusiya ordusunun raket zərbələri nəticəsində tamamilə darmadağın olub, iş adamı bütün əmlakından məhrum olub.

"1986-cı ildən burada yaşayıb işləyirəm. 90-cı illərin əvvəlindən bu biznesi yaradıb, öz əllərimlə bu restoranı, yanında böyük istirahət mərkəzini və Xarkovda iri marşrut avtobus parklarından birini qurmuşdum. İstirahət mərkəzi o qədər böyük idi ki, müharibəyə qədər hətta Rusiyadan bura istirahətə gəlirdilər. Çünki buradan Belqoroda cəmi 25-30 kilometrdir. Amma artıq heç nə qalmayıb”.

O deyib ki, istirahət mərkəzinə müxtəlif ölçülü 10-dan çox raket düşüb, bütün restoran, istirahət mərkəzinin özü yerlə yeksan olub.

“Xoşbəxtlikdən çatdırıb adamları çıxara və ya sığınacağa doldura bildik və insan itkisi olmadı. Bu azmış kimi Rusiya ordusunun diversiya-kəşfiyyat hücumları zamanı yaxınlıqdakı avtobus parkım da dağıdıldı. Bura Rusiya ilə sərhədə çox yaxındır. Bütün əmlaklardan məhrum oldum. Zərər milyon dollarladır"- deyə, o, əlavə edib.

Oxşar xəbərlər

Rusiya Ukrayna ərazisinə raket zərbələri endirib, 4 nəfər ölüb, 34-ü yaralanıb - YENİLƏNİB-2

Hindistan Pakistanın üç şəhərinə raket zərbələri endirib

Ukrayna Ordusunun əslən azərbaycanlı hərbçisi yaralanıb

Hindistan təyyarələri Pakistanın üç aviabazasına raket zərbələri endirib

Kiyev şəhəri yenidən kütləvi raket hücumuna məruz qalıb