"Microsoft SharePoint" proqram təminatına edilən haker hücumu ABŞ-nin Energetika Nazirliyinin Milli Nüvə Təhlükəsizliyi İdarəsinə də təsirsiz ötüşməyib.

"Report"un məlumatına görə, bu barədə "Bloomberg" agentliyi mənbəyə istinadən bildirib.

Qeyd olunur ki, cinayətkarlar məxfi məlumatlara çıxış əldə edə bilməyiblər.

Energetika Nazirliyi agentliyə bildirib ki, haker hücumu quruma "minimal şəkildə" təsir göstərib və mütəxəssislər "zərər görmüş sistemləri" bərpa edirlər.

"Bloomberg"in məlumatına görə, hakerlərin hücumundan həmçinin ABŞ-nin Təhsil Nazirliyi, bir sıra ştat səviyyəli qurumlar və Avropa və Yaxın Şərq ölkələrinin hökumətlərinə məxsus sistemlər də zərər çəkib.

"Microsoft" iddia edir ki, hücumlarda Çinlə əlaqəli olduğu güman edilən "Linen Typhoon" və "Violet Typhoon" qruplaşmaları iştirak edə bilər.

Oxşar xəbərlər

KİV: Hakerlər "Microsoft" proqram təminatında zəifliyə görə ABŞ agentliklərinə hücum ediblər

Çinlə əlaqəli hakerlər ABŞ Maliyyə Nazirliyinə kiberhücum ediblər

Çinin haker qrupu ABŞ-nin telefon dinləmə sistemlərinə hücum edib

Bloomberg: Çinli hakerlər Britaniyaya qarşı kiberhücumlar həyata keçirib

“Microsoft” iyulda 6 000 əməkdaşını ixtisar edəcək