Rumıniya Prezidenti Nikuşor Dan ölkəsinin Moldova ilə birləşməsini şəxsən dəstəklədiyini bəyan edib.

“Sizinxeber.az”un verdiyi məlumata görə, o, bunu Almaniyanın “Frankfurter Allgemeine Zeitung” nəşrinə müsahibəsində deyib.

"Mən şəxsən Moldova ilə birləşməyi arzulayıram, lakin qonşu respublikanın vətəndaşlarının iradəsinə hörmətlə yanaşıram", - o qeyd edib.

Prezidentin sözlərinə görə, hazırda Moldova vətəndaşlarının təxminən 35 %-i iki ölkənin birləşməsi ideyasını dəstəkləyir.

"Qonşu ölkə əhalisinin böyük hissəsinin mövcud idarəetmə formasını dəstəklədiyi müddətdə Rumıniya heç bir addım atmayacaq. Moldovanın bir milyona yaxın vətəndaşı həm də Rumıniya vətəndaşlığına malikdir. Biz onları müxtəlif səviyyələrdə dəstəkləyəcəyik", - N.Dan bildirib.

Qeyd edək ki, Rumıniya lideri Almaniya Prezidenti Frank-Valter Ştaynmayerin dəvəti ilə bu ölkədə rəsmi səfərdədir.

Oxşar xəbərlər

Zelenski: Rusiya Odessanı tutmaqla Moldova və Rumıniya ilə sərhədə çatmaq istəyir

Rumıniya Prezidenti istefa verəcək

Zelenski Rusiyanın Odessanı tutaraq Moldova və Rumıniya çatmaq istədiyini deyib

Almaniyanın Prezidenti Frank-Valter Ştaynmayerin Bakıda rəsmi qarşılanma mərasimi olub

Almaniya Prezidenti Frank-Valter Ştaynmayerin Azərbaycana səfəri başa çatıb