Peruda zəlzələ: 6 nəfər öldü

Peruda 5,1 bal gücündə zəlzələ nəticəsində altı nəfər həlak olub.

Axar.az xəbər verir ki, bunu ölkənin Nazirlər Şurasının sədri Luis Arroyo Sançes deyib.

"Təəssüf ki, altı nəfər həlak olub. Biz artıq yaxınlarına başsağlığı vermişik, həmçinin yaxınlıqdakı bir neçə rayona baş çəkmişik", - o bildirib.

Onun sözlərinə görə, 250-dən çox evə ziyan dəyib, 48 bina isə tamamilə dağılıb.

Qeyd edək ki, ötən gün Çupaka şəhərindən 7 km cənubda 5,1 maqnitudalı zəlzələ baş verib.