Amerikalı mütəxəssislər tərəfindən aparılan “Air India” aviaşirkətinə məxsus “Boeing 787-8 Dreamliner” təyyarəsinin qəzaya uğraması ilə bağlı təhqiqat hələlik avadanlıqlarda hər hansı problem aşkarlamayıb, əksinə, pilot xətasını göstərir.

"Report"un xəbərinə görə, bu barədə "Wall Street Journal" ABŞ-dəki rəsmi mənbələrə istinadən yazıb.

Bundan əvvəl “Economic Times” araşdırma ilə tanış olan mənbələrə istinadən xəbər verib ki, Hindistan qəzaya uğramış təyyarədən iki registratoru deşifrə və analiz üçün ABŞ-yə göndərəcək. İstintaqda ABŞ-nin Milli Nəqliyyat Təhlükəsizliyi Şurası da iştirak edir.

"Tədqiqatın ilkin nəticələri göstərir ki, təyyarənin iki mühərrikinə yanacaq tədarükünü idarə edən açarlar söndürülüb və bu, havaya qalxdıqdan qısa müddət sonra dartma itkisinə səbəb olub", - mənbələr “Wall Street Journal”a bildiriblər.

Açarlar pilotlar tərəfindən mühərrikləri işə salmaq və dayandırmaq üçün istifadə olunur.

Oxşar xəbərlər

KİV: Hindistandakı təyyarə qəzasında 310-dan çox insan ölüb

Hindistanda “Boeing” təyyarəsinin qəzaya uğradığı yerdə 204 nəfərin meyiti tapılıb - YENİLƏNİB-5

Hindistanda qəzaya uğrayan “Boeing” təyyarəsinin bir sərnişini sağ qalıb

Hindistanda qəzaya uğrayan təyyarədə olan 242 nəfərin hamısı həlak olub - YENİLƏNİB-4

Hindistanda sərnişin təyyarəsi qəzaya uğrayıb, 170 nəfər həlak olub - YENİLƏNİB-3