Rusiya Federasiyası ilə Birləşmiş Millətlər Təşkilatı (BMT) arasında “Taxıl sazişi” üzrə məsləhətləşmələrin son mərhələsi iyulun 11-də Cenevrədə baş tutacaq.

“Sizinxeber.az”un ABŞ bürosu xəbər verir ki, bu barədə BMT Baş katibinin sözçüsü Stefan Dujarik jurnalistlərə açıqlamasında deyib.

Görüşdə əvvəlki müzakirələrdə olduğu kimi, BMT-ni qurumun Ticarət və İnkişaf üzrə Konfransının baş direktoru Rebekka Grinspan təmsil edəcək.

Sözçü əlavə edib ki, memorandumun müddəti uzadılmayacaq. Lakin sənəddə əks olunan məsələlər (xüsusilə Qara dəniz vasitəsilə təhlükəsiz daşınma) aktuallığını qoruyur və gələcək müzakirələrin mövzusu olaraq qalacaq.

Xatırladaq ki, memorandum 22 iyul 2022-ci ildə imzalanıb və onun icra müddəti 3 il olaraq müəyyən edilib.

Bu təşəbbüs İstanbul sazişi çərçivəsində və BMT Baş katibinin qlobal ərzaq təhlükəsizliyini təmin etmək məqsədilə Ukraynadakı müharibə fonunda irəli sürdüyü səylərin bir hissəsi kimi həyata keçirilib. Baş katib eyni zamanda Ukrayna və Rusiyadan ərzaq və gübrə ixracının davam etdirilməsi üçün çalışır.

Oxşar xəbərlər

BMT Baş katibinin birinci müavini Azərbaycana səfər edəcək

Şoyqu: İstanbul Moskva-Kiyev danışıqları üçün əsas platformaya çevrilir

Azərbaycanla BMT arasında imzalanmış Töhfə Sazişi təsdiqlənib

Ərdoğan Zelenskilə “Taxıl sazişi”ni müzakirə edib

Stefan Dujarrik BMT Baş katibinin Qarabağı ziyarət edib-etməyəcəyi barədə sualı cavablandırıb