Fars körfəzi regionunda radiasiya səviyyəsi normal olaraq qalır.

“Report” xəbər verir ki, bunu Atom Enerjisi üzrə Beynəlxalq Agentliyin (AEBA) baş direktoru Rafael Qrossi bildirib.

Qırx səkkiz ölkəni əhatə edən Beynəlxalq Radiasiya Monitorinq Sistemi (BRMS) vasitəsilə AEBA-ya müntəzəm olaraq təqdim edilən məlumatlara görə, zədələnmiş nüvə reaktorlarının heç birindən əhəmiyyətli radioaktiv tullantılar aşkar edilməyib.

"İranın Buşəhr Atom Elektrik Stansiyası (AES) və Tehran tədqiqat reaktoru bizim əsas nüvə təhlükəsizliyi narahatlığımız idi. Çünki bu obyektlərə, o cümlədən onların xarici elektrik xətlərinə edilən hər hansı zərbə həm İranda, həm də onun hüdudlarından kənarda potensial nəticələrə malik radioloji qəzaya səbəb ola bilərdi. Bu baş vermədi. Beləliklə, nüvə təhlükəsizliyi üçün ən pis ssenarinin qarşısı alındı", - Qrossi bildirib.

O, nüvə obyektlərinə heç bir halda hücum edilməməli olduğunu bir daha vurğulayıb.

Oxşar xəbərlər

Qrossi: Natanz nüvə obyektindən kənarda radiasiya səviyyəsi dəyişməyib

Qrossi: Nətənzdəki nüvə obyektlərinin daxilində radioloji çirklənmə aşkar edilib

İran AEBA-nı İsfahanda radiasiya səviyyəsinin dəyişmədiyi barədə məlumatlandırıb

Qrossi İranı AEBA ilə əməkdaşlığa çağırıb

Qrossi sabah AEBA-nın İranla bağlı təcili iclasını çağırıb