Litva ABŞ-ın əlavə hərbçi kontingentini qəbul etməyə hazırdır

Litva ABŞ Silahlı Qüvvələrinin əlavə hərbçi kontingentini ölkə ərazisində qəbul etməyə hazırdır. Bu barədə Litvanın müdafiə naziri Dovile Şakalyene ABŞ Xüsusi Əməliyyat Qüvvələrinin komandanı, general Brayan Fenton ilə görüş zamanı bildirib.

Bu barədə məlumatı Litva Müdafiə Nazirliyinin mətbuat xidməti yayıb.

"Litva, o cümlədən ABŞ-ın xüsusi təyinatlı qüvvələri olmaqla, daha çox amerikalı hərbçini qəbul etməyə hazırdır. Bu məqsədlə ölkəmizdə ABŞ hərbçiləri üçün hərbi infrastrukturun təkmilləşdirilməsi davam etdirilir", – deyə nazir vurğulayıb.