Kreml Rusiya Birbaşa İnvestisiyalar Fondunun rəhbəri Kirill Dmitriyevin Tramp administrasiyası ilə ABŞ-da apardığı danışıqların təfərrüatlarını açıqlamaqdan imtina edib.

APA-nın Moskva müxbiri xəbər verir ki, Rusiya prezidentinin mətbuat katibi Dmitri Peskov Dmitriyevin ösünün danışıqların yekunu ilə bağlı məluçat verəcəyini bildirib.

"Aydındır ki, Dmitriyev prezidentin göstərişi ilə öz mandatı çərçivəsində Vaşinqtonda görüşlər keçirir. Anlaşılandır ki, o, prezidentin xüsusi nümayəndəsidir və hansı məsələlərlə bağlı olduğu da aydındır. Dmitriyev təmasların başa çatması ilə bağlı məlumat verəcək", - deyə Kremlin sözçüsü vurğulayıb.

Qeyd edək ki, Putinin xüsusi nümayəndəsi Kirill Dmitriyev aprelin 2-də Vaşinqtona səfər edib. Onun Ağ Evdə Trampın xüsusi müşaviri Maykl Uoltsla danışıqlar aparacağı bildirilib.

Oxşar xəbərlər

Kreml Putinlə Trampın xüsusi nümayəndəsinin görüşünün bəzi təfərrüatlarını açıqlayıb

Kreml: Ər-Riyaddakı danışıqların məzmunu açıqlanmayacaq

Kreml Putin və Tramp arasında gözlənilən görüşün təfərrüatlarını açıqlamır

Peskov Rusiya nümayəndə heyətinin Suriyada apardığı danışıqları şərh edib

Kreml: Putin “sülh trayektoriya”sına çıxmaq üçün təmaslara açıqdır