Ukrayna Təhlükəsizlik Xidməti Rusiyaya casusluq edən bir nəfəri həbs edib

Ukraynanın Təhlükəsizlik Xidməti Rusiya kəşfiyyatının mənafeyinə uyğun olaraq casusluq edən şəxsi həbs edib.

APA-nın “unian”a istinadən xəbərinə görə, əməliyyat xidmət rəisi Vasili Malyukun rəhbərliyi ilə həyata keçirilib.

Malyuk detallar barədə danışarkən bildirib ki, həmin şəxsin saxlanılması zamanı aşkar və gizli əməliyyat-axtarış fəaliyyətinin bütün üsullarından istifadə edilib:

“Biz xüsusi qaydalara uyğun şifrələnmiş proqram təminatı vasitəsilə Ukrayna Təhlükəsizlik Xidmətinin Antiterror Mərkəzinin Qərargah rəisi Dmitri Kozyuranın istifadəsində olan elektron vasitələrə müdaxilə etdik, eləcə də audio-video nəzarət üsullarından yararlandıq. Bu proses çərçivəsində onun həyata keçirdiyi əməllər, yəni müvafiq informasiyanın qarşı tərəfə ötürüldüyü tam olaraq sübuta yetirildi”.