Şimali Atlantika Müqaviləsi Təşkilatı (NATO) daha da güclü olacaq və hətta Donald Trampın 4 ildən sonra ABŞ prezidenti kimi səlahiyyət müddəti başa çatdıqdan sonra Ukraynanı öz sıralarına qəbul edə bilər.

Sizinxeber.az xəbər verir ki, bu fikri Finlandiya prezidenti Aleksandr Stubb Almaniyanın “Der Spiegel” jurnalına müsahibəsində bildirib.

“Ümid edirəm ki, o zaman biz daha güclü NATO-nu görəcəyik. Amma bu, mütləq Amerika üzvlüyünə malik NATO olacaq - mənim buna bir an belə şübhəm yoxdur”, - Stubb bildirib.

Finlandiya prezidenti belə bir fikri ifadə edib: “Birləşmiş Ştatlar heç bir başqa alyansda öz təhlükəsizliyini təmin edə və Avropadakı maraqlarını bu qədər etibarlı və ucuz şəkildə təmin edə bilməz. Ona görə də mən nikbinəm ki, dörd ildən sonra bizim ittifaq daha da möhkəmlənəcək və bəlkə də o zaman Ukrayna üzv olacaq”.

Prezident hesab edir ki, Trampın dövründə NATO üzvlərinə hərbi xərcləri artırmaq üçün təzyiqlər artmağa davam edəcək.

Oxşar xəbərlər

Finlandiya lideri: NATO və Aİ Ukraynanı qəbul etməlidir

Stubb: Finlandiya Ukraynanı uzaqmənzilli silahlarla təmin etməyə hazır deyil

Rutte NATO-nun Baltik dənizində hərbi iştirakını artıracağını açıqlayıb