Çexiya Prezidenti: Tramp böyük açıqlamaları dünya ölkələrinin nəbzini ölçmək üçün verir

Ağ Evin yeni seçilmiş rəhbəri Donald Tramp indiki səs-küylü bəyanatları ilə, görünür, daha sonra müvafiq qərar qəbul etmək üçün digər ölkələrin liderlərinin nəbzini ölçür.

Sizinxeber.az xəbər verir ki, bunu Çexiya Prezidenti Petr Pavel “Radiojournal”a müsahibəsində deyib.

Siyasətçi vurğulayıb ki, Tramp ilk prezidentlik müddətindən əvvəl də oxşar “sınaq atışları” edib.

Eyni zamanda, Çexiya lideri əlavə edib ki, Trampın hazırkı səs-küylü bəyanatlarına ilk reaksiyası sakit qalmaqdan ibarətdir.