Rusiyanın Kiyevin mərkəzinə hücumu zamanı Ukrayna Ali Radasının inzibati binalarına ziyan dəyib.

APA “UNIAN”a istinadən xəbər verir ki, bu barədə Ali Rada Aparatının mətbuat xidməti məlumat yayıb.

Bildirilib ki, “Şahed” dronunun zərbəsi nəticəsində partlayış dalğası ətrafdakı evlərə, o cümlədən Aparatın komitə və bölmələrinin yerləşdiyi Ukrayna parlamentinin inzibati binalarına ziyan vurub.

“Dünən hüquq-mühafizə orqanları və xüsusi xidmət orqanlarının əməkdaşları hadisə yerində işləyib və hücumun nəticələrini qeydə alıblar. Hazırda dəymiş ziyanın həcmi hesablanır”, - məlumatda deyilir.

Qeyd olunur ki, Aparatın müvafiq bölmələri hücumun nəticələrini operativ şəkildə aradan qaldırmaq, Rada və onun orqanlarının fasiləsiz fəaliyyətini təmin etmək maksimum səy göstərir.

Oxşar xəbərlər

Rusiyanın Kiyevə hücumu nəticəsində 6 ölkə səfirliyinin binasına zərər dəyib

Rusiyanın Zaporojya bölgəsinə hücumu onkoloji mərkəzə ziyan vurub, 4 nəfər ölüb

Ali Rada dövlət büdcəsinin 12 milyard dollar artırılmasına səs verib

"Hizbullah" İsrailə 20-dən çox raket atıb, bir neçə binaya ziyan dəyib