ATƏT çərçivəsində 17 ölkə Gürcüstanda insan haqlarının vəziyyəti ilə bağlı birgə bəyanat yayıb.

APA-nın Tbilisi müxbiri xəbər verir ki, ABŞ, Böyük Britaniya, Almaniya, Fransa, Hollandiya, Belçika, Kanada, Danimarka, Estoniya, Finlandiya, Latviya, Litva, Lüksemburq, Norveç, Polşa, Rumıniya və İsveçin birgə bəyanatında Gürcüstanın hakim partiyasının “Gürcüstan vətəndaşlarına qarşı amansız və əsassız zorakılığı” pislənilib.

“Ölkələrimiz 30 ildən artıqdır ki, Gürcüstan və gürcü xalqı ilə tərəfdaşlığa sadiqdir. Biz Gürcüstanın demokratik təsisatlarını dəstəkləmək, Gürcüstan iqtisadiyyatını inkişaf etdirmək və gürcü uşaqların təhsilini yaxşılaşdırmaq üçün Gürcüstanın bütün hökumətləri ilə işləmişik. Gürcüstanımızın suverenliyi və ərazi bütövlüyünə davam edən öhdəliyimiz sarsılmaz olaraq qalsa da, biz “Gürcü arzusu”nun dinc toplaşmaq və ifadə azadlığı hüququndan istifadə edən Gürcüstan vətəndaşlarına qarşı qəddar və əsassız zorakılığını qətiyyətlə pisləyirik”, - bəyanatda qeyd edilib.

Oxşar xəbərlər

Britaniya Gürcüstanla təhlükəsizlik sahəsində dialoqu dondurub

Şarl Mişel: Gürcüstanın gələcəyi ilə bağlı qərarı yalnız xalq verə bilər

Gürcüstanda keçirilən parlament seçkilərində hakim partiya irəlidədir

Gürcüstanın daha bir səfiri Aİ ilə danışıqların dayandırıldığına görə istefa verib