Gürcüstanın Niderland Krallığındakı səfiri Davit Solomonia hakim “Gürcü Arzusu” partiyasının Aİ ilə üzvlük danışıqlarının 2028-ci ilin sonunadək dayandırmaq qərarına görə istefa verib.

Sizinxeber.az-nın Tbilisi müxbiri xəbər verir ki, diplomatın açıqlamasını onun bacısı sosial şəbəkədə paylaşıb.

“Gürcüstanın diplomatik xidmətində olduğum üç onilliyin çox hissəsi Avropaya inteqrasiya məsələləri üzərində işləməyə həsr olunub. Peşəkar öhdəliklərinizin həyat seçimlərinizlə üst-üstə düşərsə, bu böyük bir nemətdir. Mən öz rəsmi vəzifələrimi açıq şəkildə yerinə yetirmişəm. İnanırdım ki, heç olmasa proseslərə təsir edə bilərəm. Bu gün bu ümid bitdi. Mən istənilən zorakılığı pisləyirəm və Gürcüstanın Niderland Krallığındakı fövqəladə və səlahiyyətli səfiri vəzifəsini tərk edirəm” - deyə səfirin bəyanatında deyilir.

Qeyd edək ki, daha əvvəl Gürcüstanın Bolqarıstandakı səfiri də hakim partiyanın Aİ ilə üzvlük danışıqlarını dayandırmaq qərarına etiraz olaraq istefa verib. Gürcüstanın Koreyadakı səfiri də qərarı qınayan bəyanat yayıb.

Oxşar xəbərlər

Gürcüstanın Bolqarıstandakı səfiri etirazçılarla həmrəylik nümayiş etdirmək məqsədilə istefa verib

MSK seçkilərin yekun nəticələrini təsdiqləyib, “Gürcü Arzusu” qalib olub

Kobaxidze: Gürcüstan ABŞ ilə münasibətləri nəzərdən keçirə bilər

Gürcüstanda Ədliyyə Nazirliyinin 500-dən çox əməkdaşı Aİ-yə qoşulma prosesini dayandırmasını qınayan bəyanat imzalayıb

Gürcüstan ABŞ və Aİ ilə münasibətləri yenidən başlatmaq istəyir