Gürcüstanın Baş naziri İrakli Kobaxidze keçmiş prezident Mixeil Saakaşvilinin lideri olduğu “Vahid Milli Hərəkat” partiyasının ləğvini təklif edib.

APA-nın xəbərinə görə, bu barədə o, “İmedi” telekanalına müsahibəsində danışıb.

O 1945-ci ildə Almaniyada Adolf Hitlerin rəhbəri olduğu Nasional Sosialist Alman Fəhlə Partiyasının nümunəsinin M. Saakaşvilinin siyasi təşkilatına da tətbiq olunmasını tələb edib:

“Adolf Hitlerin partiyası 1945-ci ildən sonra siyasi səhnədə qalsaydı, parlamentdə cəmi 15-20 faiz səs toplayacaqdı. Almanlar isə vaxtında bu siyasi təşkilatdan xilas oldular. Biz də “Vahid Milli Hərəkat” Partiyasını ləğv etməliyik”.

Kobaxidze qeyd edib ki, Saakaşvili hakimiyyətə qayıtsa, Gürcüstanın Avropa İttifaqına üzvlük perspektivi sıradan çıxacaq.

Oxşar xəbərlər

Gürcüstan Prezidenti Saakaşvilinin əfvi məsələsini nəzərdən keçirir

Kobaxidze Latviya Prezidentinin Gürcüstanla vizasız rejimin dayandırılması çağırışına münasibət bildirib

İrakli Kobaxidze ilk xarici səfərini Brüsselə edib

“Gürcü Arzusu”nun sədri: Gürcüstan Moldova və Ukraynadan daha tez Aİ üzvü olacaq

Kobaxidze: Seçkilərdə müxalifət qalib gəlsə, ölkədə Rusiya ilə münaqişə cəbhəsi açılacaq