Suriyada keçmiş prezident Bəşər Əsədin devrilməsindən sonrakı yarım il ərzində ölkəyə 16 milyard dollar dəyərində sərmayə və beynəlxalq yardım daxil olub.

Sizinxeber.az xəbər verir ki, bu barədə Birləşmiş Ərəb Əmirliklərinin “The National” nəşri məlumat yayıb.

Ən iri sərmayəçi isə Qətərin UCC Holding şirkəti olub. Şirkət Suriyada 4 qaz elektrik stansiyası və 1 QVt gücündə günəş elektrik stansiyası inşa etməyi planlaşdırır. Bu layihələr üçün ümumilikdə 7 milyard dollar vəsait ayrılıb.

Digər investisiyalar əsasən infrastrukturun bərpası, təhsil və səhiyyə sistemlərinin modernləşdirilməsi, eləcə də enerji və kənd təsərrüfatı sahələrində həyata keçiriləcək layihələrə yönəldiləcək.

“The National” qeyd edir ki, Əsəd rejiminin süqutu beynəlxalq donorların və sərmayəçilərin Suriyaya marağını kəskin şəkildə artırıb. Hazırda ölkədə iqtisadi sabitlik və təhlükəsizlik sahəsində müəyyən irəliləyiş müşahidə olunur.

Oxşar xəbərlər

Suriya Əsəd rejiminin devrilməsindən sonra 16 milyard dollar investisiya cəlb edib

Prezident: Azərbaycan Gürcüstan iqtisadiyyatına 3,6 milyard dollar sərmayə qoyub

Stefanie Stallmeister: Azərbaycanda yaşıl iqtisadiyyatın inkişafı üçün 44 mlrd. dollar tələb olunur

ABŞ-də süni intellektin inkişafına 500 milyard dollar sərmayə qoyacaq şirkət yaradılacaq

Tramp: Gömrük rüsumları ABŞ-a gündəlik 2 milyard dollar qazandırır