“Uzun müddətdir ərazilərinin minalardan çirkləndirilməsinin ciddi təhdid yaratdığı Əfqanıstan kimi ölkələrlə bərabər, işğaldan azad etdiyi ərazilərində hələ də aşkarlanmamış çox sayda minaların olduğu Azərbaycanın təhlükəsizliklə bağlı narahatlıqlarını bölüşürük”.

APA-nın xəbərinə görə, bu barədə Türkiyənin Xarici İşlər Nazirliyinin “X” hesabındakı paylaşımda bildirib.

Nazirliyin sosial şəbəkədəki platformasında həmçinin, minaların və partlamamış silah-sursatın bir çox ölkələrdə insanların həyatına təhlükə yaratmaqda davam etdiyi vurğulanıb.

Qeyd olunub ki, sözügedən problem həmin ölkələrin sosial-iqtisadi inkişafına da ciddi təhdid yaradır, habelə, mədəni irsinin qorunmasında çətinliklərə səbəb olur.

Bəyanatda Beynəlxalq və regional səviyyədə torpaq səthi və su hövzələrində yerləşdirilən minalarla mübarizəyə önəmli töhfələr verən bir ölkə olaraq Türkiyənin piyada əleyhinə minaların basdırılması, istehsalı, onlardan istifadə, habelə, bu qəbildən olan partlayıcıların zərərsizləşdirilməsini nəzərdə tutan Ottava müqaviləsi və bu sənədə uyğun olaraq həyata keçirilən əməkdaşlığı dəstəklədiyi vurğulanıb.

“Ölkəmiz mina təhdidi ilə mübarizə aparan dövlətlərə istər quruda, istərsə də su hövzələrində verdiyi dəstəyi davam etdirəcək” – bəyanatda belə deyilir.

Oxşar xəbərlər

İqlim dayanıqlılığı üçün mina təhlükəsi ilə mübarizə mövzusunda tədbir keçirilib - FOTO

Qarabağ Universitetində mina və partlayıcı sursatlarla bağlı maarifləndirici görüş keçirilib

Qazaxın azad edilmiş kəndlərində aşkarlanmış minaların sayı məlum olub

Vətən müharibəsindən indiyədək Qarabağ və Şərqi Zəngəzurda 160 min ha minadan təmizlənib - FOTO