Livan və Suriyanın müdafiə nazirləri Mişel Menassa və Murhaf Əbu Qasra sərhəddə atəşkəs barədə razılığa gəliblər.

APA xəbər verir ki, Suriyanın Müdafiə Nazirliyinin məlumatına görə Livan tərəfinin təşəbbüsü ilə müdafiə nazirləri arasında telefon danışığı baş tutub.

“Əldə olunan razılıq sərhəd bölgələrində vəziyyətin sabitləşdirilməsi üçün iki tərəf arasında koordinasiya və əməkdaşlığın artırılmasını nəzərdə tutur. Müdafiə naziri general-mayor Mişel Menassa və onun suriyalı həmkarı Murhaf Əbu Qasra Livan Ordusunun Kəşfiyyat İdarəsi ilə Suriya kəşfiyyatı arasında koordinasiya haqqında razılığa gəliblər”, - məlumatda bildirilir.

Nazirlər sərhəddə vəziyyətin pisləşməsinin və günahsız mülki əhali arasında itkilərin qarşısını almaq üçün birgə səylərin zəruriliyini vurğulayıblar.

Oxşar xəbərlər

Suriyalı məhbuslar Livan həbsxanalarından ölkələrinə geri qaytarılacaq

İsrail və ABŞ müdafiə nazirləri arasında telefon danışığı olub

Dəməşq və Beyrut suriyalı məhbusları Livan həbsxanalarından geri qaytarmaq barədə razılığa gəliblər