Beyrut və Dəməşq Livan həbsxanalarında saxlanılan suriyalı məhbusların vətənə qaytarılması ilə bağlı razılığa gəliblər.

“Report” xəbər verir ki, bu barədə Suriya Xarici İşlər Nazirliyinin bəyanatında deyilir.

Müvafiq qərar Livanın Baş naziri Nəcib Mikati və Livanın xarici işlər naziri Abdullah Bu Həbibin Dəməşqə səfərindən sonra qəbul edilib.

“Livan həbsxanalarından bütün suriyalı məhbusların geri qaytarılması, hər iki tərəfin sərhəd təhlükəsizliyinin təmin edilməsi və narkotiklərlə mübarizədə əməkdaşlıq haqqında razılıq əldə olunub”, - bəyanatda bildirilib.

Bundan əlavə, tərəflər siyasi, hərbi və iqtisadi səviyyələrdə birgə komitələr yaratmaq barədə razılığa gəliblər.

Oxşar xəbərlər

Dəməşq və Beyrut suriyalı məhbusları Livan həbsxanalarından geri qaytarmaq barədə razılığa gəliblər

Livanın Baş naziri 15 ildən sonra ilk dəfə Suriyaya rəsmi səfər edib

Livanın baş naziri Suriya rəhbərliyi ilə sərhəddəki vəziyyəti müzakirə edib