Türkiyənin 6 feral 2023-cü il zəlzələlərində zərər görmüş Adıyaman vilayətində yenidənqurma işləri davam edir.

Sizinxeber.az-nın bölgəyə ezam olunmuş müxbirinin verdiyi xəbərə görə, Adıyaman ərazisində yerləşən tikililərin 28,7 faizi zəlzələ zamanı ya tamamilə çöküb, ya da yararsız hala gəlib.

Bölgəyə təşkil olunmuş media-tur zamanı jurnalistləri məlumatlandıran Adıyaman valisi Osman Varolun sözlərinə görə, son iki ildə yenidənqurma işləri nəticəsində bu vilayətdə yeni 58322 tikili inşa edib ki, bu da Adıyamanın tikinti fondunun 32,5 faizinin yenilənməsi deməkdir.

Adıyamanda yeni mənzillərin sahiblərinə təhvil verilməsi prosesi də sürətlə davam edir. TOKİ və Emlak Konutun dövlət layihəsi çərçivəsində inşa etdiyi binalarda 31,406 mənzilin sahibi müəyyənləşib. Qeyd edək ki, təkcə Adıyamanda zəlzələdən sonra 125 mindən çox insan konteyner şəhərciyində yaşayıb. Dövlət Adıyamanda zəlzələdən zərər çəkən insanlar üçün isə 10 364 855 502 türk lirəsi ayırıb.

Zəlzələ zamanı Türkiyənin cənub-şərqində yerləşən digər vilayətlərdə olduğu kimi, Adıyamanda da tarixi binalar zərər görüb. Hazırda tarixi Ulu Camii və Mor Petrus Mor Paulus kilisəsində bərpa işləri gedir.

Oxşar xəbərlər

Adıyaman valisi: Zəlzələdən sonra ilk dəstək Azərbaycandan gəldi

Belçikalı səyyah: Azərbaycan hökumətinin Qarabağda apardığı quruculuq işlərini təqdir edirəm

Horovluda 867 ailə yaşayacaq - FOTO

Kahramanmaraşda Heydər Əliyev adına məktəbin açılışı olub - FOTO - YENİLƏNİB

“Azərişıq” Tovuzda yenidənqurma işlərini davam etdirir - VİDEO