Suriya höküməti Rusiyadan Bəşər Əsədin ekstradisiyasını tələb edib.

Sizinxeber.az xəbər verir ki, bu barədə “Reuters” mənbələrə istinadən məlumat yayıb.

Rusiya xarici işlər nazirinin müavini Mixail Boqdanovun başçılıq etdiyi nümayəndə heyəti yanvarın 28-də Suriyaya səfər edib.

Səfər çərçivəsində Boqdanov Suriya administrasiyasının rəhbəri Əhməd əl-Şara ilə görüşüb.

Boqdanovun sözlərinə görə, “Rusiyanın Suriyadakı mövcudluğunda heç bir dəyişiklik yoxdur və tərəflər məsləhətləşmələri davam etdirmək barədə razılığa gəliblər”.

Agentliyin məlumatına görə, danışıqlar zamanı Əhməd əl-Şaraa Rusiyadan keçmiş prezident Bəşər Əsədi yerli hakimiyyətə təhvil verməyi tələb edib.

Suriyanın SANA xəbər agentliyi isə bu gün bildirib ki, Dəməşq Rusiyadan “təzminat, yenidənqurma və bərpa işləri” təmin etməyi, həmçinin “keçmiş səhvləri nəzərə almağı və Suriya xalqının iradəsinə hörmət etməyi” tələb edib.

Qeyd olunur ki, Suriyanın hakimiyyət orqanları Əsədin geri qaytarılması tələbini hələ rəsmən açıqlamayıb.

Oxşar xəbərlər

Rusiya nümayəndə heyəti Dəməşqdə Suriya administrasiyasının rəhbəri ilə danışıqlar aparıb

Rusiya Suriyada hakimiyyəti ələ keçirən “Həyət Təhrir əş-Şam”la əlaqə yaradıb

Zaxarova: "Reuters" Əsədin ölümü ilə bağlı saxta xəbəri təkzib etməlidir

Putinin sözçüsü: Əsədin Suriya Prezidenti postunu tərk etməsi onun şəxsi qərarı olub

Rusiya xarici işlər nazirinin müavini Suriyaya səfər edəcək